30 сентября 2013 г.
Чăваш наци телекуравĕ хыпарлав зонине анлăлатас тĕлĕшпе ĕçлет. Кĕçех Канаш,
Етĕрне, Çĕмĕрле, Улатăр хулисенче, Вăрнар поселокĕнче пурăнакансем те чăваш
кăларăмĕсене курма пуçлĕç.
Наци телерадиокомпанин хыпарлав анлăшне сарас тĕллевпе информацин çĕнĕ
хатĕрне – «Тăван радио» – никĕсленĕ. Хальхи вăхăтра унăн тытăмне йĕркелес
тĕлĕшпе тăрăшаççĕ, çулталăк вĕçĕнче ĕçе кĕртме палăртаççĕ.