Публикации » Электронлă картта илеççĕ

30 октября 2013 г.

Медицинăн информатикăпа аналитика центрĕ пĕлтернĕ тăрăх, хальхи вăхăтра Чăваш
Республикинче пурăнакан 1062 çын универсаллă электрон карттин (УЭК) хуçи пулса
тăнă. Ăна илме пĕтĕмпе 5051 заявлени йышăннă.Кăçалхи ака уйăхĕн 1-мĕшĕнченпе
картта çине регионти хушма çырăва – транспорт информацине çырса пыраççĕ. Ку
çĕнĕлĕх Шупашкарпа Çĕнĕ Шупашкарта кăна мар, пĕтĕм республикипех пурнăçланать.
Общество транспортĕнче тÿлев укçине алăран тыттарман чухне билет хакĕ 1 тенкĕ
йÿнĕрех. Кăмăл пулсан УЭК çине электронлă цифра çырăвĕ вырнаçтараççĕ. Çапла
майпа документсем хатĕрлеме тата электронлă пулăшу илме пулать. Ку йĕркепе
заявленисем йышăнакан тата карттăсем паракан кашни пунктрах ĕçлеççĕ.