18 ноября 2013 г.
Кăçалхи чÿк уйăхĕн 10-20-мĕшĕсенче республикăра тата районта «Ачасем тата
Çемье» акци иртет. Ăна Пĕтĕм тĕнчери ачасен кунне халалласа йĕркеленĕ. Унăн тĕп
тĕллевĕсенчен пĕри – йывăр çемьесене малтанхи тапхăрта тупса палăртас ĕçе
лайăхлатасси, социаллă тăлăхсен, ачасене пусмăрланă, хĕненĕ тĕслĕхсен шутне
чакарасси тата профилактика ĕçне вăйлатасси.Районти мероприятисен планĕпе
килĕшÿллĕн социаллă хÿтлĕх пайĕ пурнăçра йывăр лару-тăрăва лекнĕ çемьесене валли
ырăкăмăллăх акцийĕ ирттерет. Çынсенчен ачасемпе аслисене валли çи-пуç, шкулта
усă курмалли япаласем, тетрадьсем йышăнать. Çавăн пекех теттесем, урана
тăхăнмалли пушмаксем илсе килсе пама пултараççĕ. Вĕсене йывăр çемьесене валеçсе
паратпăр.
И.КОРНИЛОВА,
социаллă хÿтлĕх пайĕн специалисчĕ.