20 ноября 2013 г.
Чăваш Енре пурăнакансем малашне регион законодательствине лайăхлатас ĕçе
тÿрремĕнех хутшăнма пултараççĕ. «Раççей общество пуçарăвĕ» çĕнĕ портал йĕркелени
çапла тума май парать.
Çак Интернет-ресурса Раççей Президенчĕн Указĕпе килĕшÿллĕн 2013 çулхи апрель
уйăхĕнче туса хунă. Çавăнтанпа кăмăл пуррисем пурте çĕр-шывăн социаллă пурнăçпа
экономика аталанăвĕн ыйтăвĕсемпе çыхăннă сĕнĕвĕсене сайта вырнаçтарма, унсăр
пуçне маларах тăратнă пуçарусене ырлама пултараççĕ. Ноябрĕн 1-мĕшĕнчен тытăнса
вара федераци шайĕнче çеç мар, регион влаçĕсем валли те сĕнÿсем тăратма май
тупăннă. Ку утăма тăвас тесен малтан патшалăх пулăшăвĕсен пĕрлехи порталĕнче
регистрациленмелле.
ЧР информаци политикипе
массăллă коммуникацисен министерстви