Публикации » Уйăхлăхра тĕрлĕ ăмăрту

25 января 2014 г.

Январĕн 23-мĕшĕнчен пуçласа февралĕн 23-мĕшĕччен районта оборонăпа массăллă тата спорт ĕçĕсемпе уйăхлăх ирттерме палăртнă. Çак тапхăрта вĕренÿ учрежденийĕсенче хăюлăх темипе уроксем, çавра сĕтелсем, çамрăксемпе ветерансен тĕл пулăвĕсем иртĕç. Тĕрлĕ ушкăнри ачасемпе спорт секцине çÿрекенсем, спорта кăмăллакансем районти сĕтел çи теннис вăййин тупăшăвне, йĕлтĕрçĕсен ăмăртăвне хутшăнма пултараççĕ. Çавăн пекех «Çамрăк техник» пултарулăх куравĕнче те ăсталăха кăтартма май пур.