15 февраля 2014 г.
Çитес вырсарни кун, февралĕн 16-мĕшĕнче, Элĕкри «Хĕлхем» спорт комплексĕнче районти паллă тухтăра тата спортсмена Ю.Мулюкова асăнса волейболистсен турнирĕ иртĕ. Ăмăртăва хутшăнма кÿршĕ районсенчен 40 çултан иртнĕ ветеран-волейболистсем килĕç.
Юрий Мулюков Патăрьел районĕнче çуралса ÿснĕ. Шупашкарти медицина факультетне вĕренсе пĕтернĕ хыççăн районти тĕп больницăра ĕçе пикеннĕ. Çав вăхăтрах районти ача-пăча спорт шкулĕнче тухтăр ĕçĕсене те пурнăçласа пынă. Хăй те паллă спортсмен пулнă, район чысне тĕрлĕ ăмăртусенче хÿтĕленĕ. Уйрăмах волейбол вăййине кăмăлланă. 2006 çулхи декабрĕн 13-мĕшĕнче Ю.Мулюков пирĕнтен вăхăтсăр уйрăлса кайрĕ.
Ăмăрту 10 сехетре пуçланĕ.
С.ЛАВРЕНТЬЕВ.