23 января 2013 г.
Тунти кун районти литературăпа краеведени музейĕнче гражданла авиаци моделĕсен куравĕ уçăлчĕ.
Музей директорĕ С.Железнова Элĕк шкулĕнче виççĕмĕш класра вĕренекенсене самолетсен моделĕсем пирки тĕплĕн каласа пачĕ. Кашни хăйне евĕрлĕ. Вĕсене тăваканни вара – Тăвайри Д.Кучеров. Ачасем куравра çĕннине нумай пĕлчĕç, çавăн пекех космос тĕнчипе те паллашрĕç. «Полюс» наукăпа производство центрĕнче ĕçлекен В.Вострюков Муркаш районĕнчен. Вăл Раççей Федерацийĕн тава тивĕçлĕ конструкторĕ. Космос техникин конструкторне халалланă стендра интересли нумай.
Курав пĕр уйăх ĕçлет. Ачасемшĕн билет хакĕ вунă тенкĕ, аслисен çирĕм тенкĕ тÿлеме тивет.
к.перов.