13 сентября 2016 г.
Çар ретне тăрасси, çĕршыва хÿтĕлесси - кашни çирĕп сывлăхлă, вăй питти каччăсен тивĕçĕ. Çĕршыв хăрушсăрлăхĕ паттăр, хăюллă, шанчăклă салтаксенчен килет. Алла повестка илсен службăран тарса çÿресси пирки шутламалла мар. Тени ял тăрăхĕнче çар учетĕнче пурĕ 17 призывник тăрать. Часах ял урамĕсенче салтак юррисем илтĕнме пуçлĕç. Кăçал кĕркуннехи призыв тапхăрĕнче çар службине 8 каччăна чĕнсе илĕç. Сентябрĕн 22-мĕшĕнчен çамрăксем медицина тĕрĕслевĕ витĕр тухма пуçлĕç. Кунта тĕрлĕ çулхи яшсем пур. Шкул пĕтернĕ çамрăксем, училищĕрен, техникумран вĕренсе тухнисем çар ретне тăма тивĕç. Акă, сăмахран, А. Никитин аслă вĕренÿ учрежденине пĕтернĕ хыççăн çулталăклăх тăван килĕпе сывпуллашса çĕршыва хÿтĕлеме кайĕ. Кармал ялĕнче 10 çула яхăн службăра тăракан çамрăк та пур. Алексей Терентьев çар службине контракт мелĕпе ирттерет. А.СИЛИВЕСТРОВА.