Публикации » Сывлăх ĕçченĕсене тав тăваççĕ

27 сентября 2016 г.

Республикăра «Медицина - манăн чун туртни» проектпа килĕшÿллĕн «Тавтапуç, тухтăр! Тавтапуç, медицина сестри!» программа пурнăçа кĕрет. Вăл пирĕн районта та ăнăçлă ĕçлет. Ăна валли поликлиникăра ятарлă кĕтес те пур. Район çыннисем хăйсене кăмăллакан тухтăрсене е медицина сестрисене ăшă сăмахсемпе хавхалантарма пултараççĕ. Ятарлă хут çине сывлăх сыхлавĕн ĕçченĕсен ятне, хăш тытăмра тата ăçта ĕçленине кăтартса вĕсене мĕншĕн тав тунине çыраççĕ. Ăшă та çепĕç сăмахсем, тав тунисем малашне те тăрăшса ĕçлеме хавхалантарнине пытармаççĕ шурă халатлисем.