11 октября 2016 г.
Октябрĕн 7-мĕшĕнче Чăваш Республикин Пуçлăхĕ Михаил Игнатьев Раççейри чи лайăх шкулсен йышне кĕнĕ Чăваш Енри вĕренÿ учрежденийĕсен директорĕсемпе тĕл пулчĕ.
Çавăн пекех çак мероприятие Чăваш Республикин Вĕренÿ тата çамрăксен политикин министрĕ Юрий Исаев, И.Н.Ульянов ячĕллĕ Чăваш патшалăх университечĕн тата И.Я.Яковлев ячĕллĕ Чăваш патшалăх педагогика университечĕн представителĕсем, çĕршыври чи лайăх шкулсен йышне лекнĕ вĕренÿ учрежденийĕсен педагогĕ- сем те хутшăнчĕç. Пирĕн районтан асăннă мероприятире район пуçлăхĕ, И.Я.Яковлев ячĕллĕ Элĕкри пĕтĕмĕшле пĕлÿ паракан вăтам шкул директорĕ Владислав Волков тата кĕçĕн классен вĕрентекенĕ Алена Ефимова пулчĕç.
«Рейтинг кăтартăвĕсем пирĕншĕн питех те пĕлтерĕшлĕ. Шăп та шай вĕсем ĕнтĕ вĕренекенсен çитĕнĕвĕсене, пахалăхлă пĕлÿ илмелли тата пултарулăха аталантармалли майсене палăртаççĕ», - терĕ Михаил Васильевич тĕлпулăва килнĕ шкул директорĕсемпе вĕрентекенсене пархатарлă ĕçĕшĕн, професси ăсталăхĕшĕн тав туса.
Чăваш Енре çĕршыв шайĕнчи чи лайăх шкулсен шутне ÿстерес тесен чи малтанах пысăк пĕлÿллĕ ачасене вĕрентсе хатĕрлессипе, хамăр регионти вĕренÿ тытăмне çĕнетессипе çыхăннă хăш-пĕр ыйтусене хускатнă тĕлпулура Элĕк шкулĕн директорĕ Владислав Константинович.
(Хамăр инф.).