25 октября 2016 г.
Октябрĕн 22-мĕшĕнче Чăваш Республикинчи Халăх пултарулăх çурчĕ 80 çул тултарнине тата Чăваш Енре ĕç çыннин çулталăкне халалланă «Хавхаланса юрлать чĕре» юрлакан ушкăнсен республикăри фестивалĕн зонăри тапхăрĕ иртрĕ. Унта Элĕк, Вăрнар, Хĕрлĕ Чутай, Етĕрне районĕсенчи вокал ансамблĕсемпе хор ушкăнĕсем хутшăнчĕç. Элĕк район чысне Централизациленĕ клуб тытăмĕн культура ĕçченĕсен пĕрлештернĕ хорĕпе ветерансен, Чăваш Сурăмĕнчи культура çурчĕн хорĕсем тата Мăн Вылăри «Акăшпи» вокал ансамблĕ хÿтĕлерĕç. Кашни ушкăн жюри умне икшер юрăпа тухрĕ. Ытти районсен хорĕсем те пултарулăха кăтартрĕç.
Чи лайăх хор ушкăнĕсем Шупашкарти Трактор тăвакансен культура керменĕнче ноябрь уйăхĕнче иртекен гала-концерта кайĕç.
Анжелика СИЛИВЕСТРОВА.