28 октября 2016 г.
Выльăх-чĕрлĕхе хĕл каçарма хатĕрленесси çăмăл мар. Унран тухăçлă продукци туса илесси çав тапхăра ăнăçлă ирттерсе янинчен килет. Районти ял хуçалăх предприятийĕсенче выльăха хĕл каçармалли пÿлĕмсем хатĕрлессине вĕçленĕ ĕнтĕ.
Хальхи вăхăтра мăйракаллă шултра выльăха хĕллехи вăхăтра усрамалли 22 объект (100 процент) хатĕр. Вĕсенчен 7-шĕ (100 процент) - ĕнесен, 3 объекчĕ - сыснасене тытмалли. Ку енĕпе ветеринарипе санитари мероприятийĕсем те иртрĕç. Выльăха лайăх условисенче хĕл каçарни унăн шутне сыхласа хăварма, продуктивлăхне ÿстерме пулăшать. Çавăн пекех пахалăхлă апатлантарни тата технологи тĕлĕшĕнчен йĕркене пăхăнни те пысăк пĕлтерĕшлĕ. Выльăх-чĕрлĕхе хĕл каçарма ял хуçалăх предприятийĕсем планпа палăртнинчен 3500 тонна (130 процент) утă, 4352 тонна (105 процент) сенаж, 4895 тонна (133 процент) силос хатĕрлесе хăварнă.