Публикации » Малашлăха - сиенсĕр йăласемсĕр

11 ноября 2016 г.

«Çамрăксем - сывă пурнăç йĕркишĕн» акцие тĕпе хурса Элĕкри тĕп библиотекăра «Малашлăха - сиенсĕр йăласемсĕр» информаци сехечĕ иртрĕ. Элĕкри тĕп больницăн врач-наркологĕ Галина Степанова 9-мĕш класра вĕренекенсене сывă пурнăç йĕркине пăхăнмалли, сиенлĕ йăласенчен аякра тăмалли çинчен ăнлантарса пачĕ. «Илемлĕхĕн тусĕсем тата тăшманĕсем» электрон презентацие курса хĕрсемпе каччăсем пирус туртни, эрех ĕçни, наркотикпа усă курни сывлăх çине питĕ пысăк витĕм кÿнине куçпа курса ĕненчĕç, хăйсене кăсăклантаракан ыйтусем çине хуравсем тупрĕç. Шкул ачисене пурне те пирус сиенĕ çинчен калакан закладка-памятка пачĕç. Мероприяти «Тамăка илсе каякан çулсем» кĕнеке куравĕпе вĕçленчĕ.