29 ноября 2016 г.
Ноябрĕн 26-мĕшĕнче Шупашкарти маунтинбайк центрĕнче республикăри патшалăх тата вырăнти хăйтытăмлăх органĕсенче ĕçлекенсен спартакиадин финалĕ иртрĕ. Савăнăçлă парадра спортсменсене Чăваш Республикин Пуçлăхĕ Михаил Игнатьев саламларĕ. «Чăваш Енре спортпа туслă çынсем пурăнаççĕ. Сывă пурнăç йĕркине пăхăнакансен йышĕ çултан-çул пысăкланать. Çамрăксем спортăн тĕрлĕ енĕсене кăмăлланине сăнатпăр. Пирĕн те çитĕнекен ăрăва тĕслĕх кăтартмалла», - терĕ Михаил Васильевич пурне те ăнăçу суннă май.
Элĕк район чысне вĕренÿ, строительство, экономика, ял хуçалăх пайĕсен тата информаципе тивĕçтерекен секторăн специалисчĕсем хÿтĕлерĕç. Ăмăртăва хутшăнакансем дартс, волейбол вăййисенче тупăшрĕç. Шывра ишессипе эстафетăра та хăйсене тĕрĕслерĕç. Ăмăртусем хĕрÿ иртрĕç. Пирĕн район администрацийĕн команди Шупашкарсене волейбол вăййинче çĕнтерчĕ.