Публикации » Конкурсра çĕнтерчĕç

06 декабря 2016 г.

Декабрĕн 4-мĕшĕнче Шупашкарти Хусанкай ячĕллĕ культура керменĕнче Пĕтĕм Раççейри ачасемпе çамрăксен пултарулăхĕн нумай жанрлă «Ăнăçу патне - утăм» конкурс-фестивалĕ иртрĕ. Район чысне Элĕкри культура çурчĕ çумĕнчи «Топотушки» ташă ушкăнĕ (ертÿçи - Светлана Соколова) хÿтĕлерĕ. Раççейĕн чылай кĕтесĕнчен килнĕ çамрăк ташăçсем тĕрлĕ номинацире тупăшрĕç. «Топотушки» ташă ушкăнĕ «Халăх ташши» номинацире пĕрремĕш вырăн йышăнчĕ, 2017 çулхи май уйăхĕнче Сочи хулинче иртекен Пĕтĕм тĕнчери ачасемпе çамрăксен пултарулăхĕн конкурс-фестивальне хутшăнма сертификат çĕнсе илчĕ.