06 декабря 2016 г.
Эренар ялĕнче пурăнакан Екатерина Павлова хăйĕн 90 çулхи сумлă юбилейне паллă турĕ.
Ĕçри тăрăшулăхшăн «Ĕç ветеранĕ» ята, «1941-1945 çулсенчи Тăван çĕршывăн Аслă вăрçи вăхăтĕнче хастар ĕçленĕшĕн» медале тивĕçнĕ ватăн юбилей медалĕсем те, Хисеп хучĕсем те чылай. Ăшă сăмахсемпе ăна район администрацийĕн пуçлăхĕн пĕрремĕш çумĕ Лидия Никитина, социаллă хÿтлĕх пайĕн начальникĕ Галина Григорьева тата Тени ял тăрăхĕн пуçлăхĕ Людмила Васильева саламларĕç. Хисеплĕ кинемей Раççей Федерацийĕн Президенчĕн саламлă çырăвне те илчĕ. Хаклă хăнасем ăна вăрăм кун-çул, канлĕ ватлăх, çирĕп сывлăх сунчĕç.