16 декабря 2016 г.
Вĕренÿре лайăх ĕлкĕрсе пыракан, район, республика, федераци шайĕнчи олимпиада, конкурссенче, спорт ăмăртăвĕсенче çĕнтерÿçĕсемпе призерсем пулса тăнă 5 вĕренекене Чăваш Республикин Патшалăх Канашĕн депутачĕ Николай Малов ятран стипенди парассине палăртнăччĕ. Вĕсен йышне кăçал Мăн Ямашри вăтам шкулта 11-мĕш класра вĕренекен Николай Миронов, Мăн Вылăри вăтам шкулта 11-мĕшĕнче пĕлÿ илекен Арина Васильева, Ураскилтри вăтам шкулта 9-мĕшĕнче ăс пухакан Александр Филиппов, Тавăтри вăтам шкула 7-мĕшне çÿрекен Наталия Агафонова тата Тенири тĕп шкулта 7-мĕш класра вĕренекен Евгений Захаров кĕнĕ. Вĕсем 2016-2017 вĕренÿ çулĕ тăршшĕпе уйăхсерен 1-шер пин тенкĕ стипенди илсе тăрĕç.