Публикации » Вăрçă ветеранĕ - 95 çулта

16 декабря 2016 г.

Декабрĕн 13-мĕшĕнче Иштек ялĕнче пурăнакан Андрей Яковлев вăрçă ветеранĕ 95 çулхи юбилейне паллă турĕ. Вăл 1921 çулта Иштекре хресчен çемйинче çуралнă. Чи малтанах столяр пулса ĕçленĕ, кайран «Жданов» колхозра тăрăшнă, ун хыççăн улма-çырла комбинатĕнче вăй хунă. 1943-1947 çулсенче Ленинград облаçĕнче салтакра пулнă. Андрей Яковлевича паянхи куна 8 мăнукĕ тата 6 кĕçĕн мăнукĕ савăнтарать. Юбилей ячĕпе вăрçă ветеранне район администрацийĕнчен килнĕ хăнасем саламларĕç, Раççей Федерацийĕн Президенчĕн Владимир Путинăн саламне вуласа пачĕç. Мĕнпур ыррине, вăрăм кун-çул, çирĕп сывлăх сунчĕç, тав сăмахĕ каларĕç.