13 января 2017 г.
Элĕкри литературăпа таврапĕлÿ музейĕнче «Театршăн çуралнă» куçса çÿрекен курав ĕçлет. Ăна Раççей халăх артистне, К.В.Иванов ячĕллĕ Чă-ваш патшалăх академи драма театрĕн актрисине Нина Яковлевăна халалланă. Нина Михайловна театршăнах çуралнă тейĕн. Вăл чăваш халăх психологине туйса рольсене вылять. Куракансем ăна юратаççĕ. Нина Яковлева нумай сăнар калăпланă. «Хумсем çырана çапаççĕ», «Праски инке хĕр парать», «Тăван кил» тата ыттисенче вылянă. Унăн пултарулăхне Чăваш Енре кăна мар, ытти тăрăхра та килĕштереççĕ. 2010 çулта Нина Михайловнăна «Чăваш Республики умĕнчи тава тивĕçлĕ ĕçсемшĕн» орденпа чысланă.
Элĕкри литературăпа таврапĕлÿ музейĕ Нина Яковлевăн пултарулăхне кăмăллакансене пурне те курава килсе курма сĕнет.
Ольга АЛЕКСЕЕВА, музей директорĕ.