Публикации » «Раштав çăлтăрĕ» республика фестивалĕ иртрĕ

17 января 2017 г.

Кăçал, январĕн 14-мĕшĕнче, Чăваш митрополийĕн вырсарни шкулĕн пултарулăх коллективĕсен «Раштав çăлтăрĕ» республика фестивалĕ 15 хут Шупашкарти Чăваш патшалăх культурăпа ÿнер институтĕнче иртрĕ. Пурĕ фестивале Чăваш Республикинчи пĕтĕмĕшле пĕлÿ паракан тата вырсарни шкулĕсен 300 ытла вĕренекенĕ хутшăнма кăмăл турĕ. Элĕкри вăтам шкулта вĕренекенсен коллективĕ чи пысăккисенчен пĕри пулчĕ. Вĕсем чылай çул хушши «Раштав çăлтăрĕ» фестивальте лауреатсен йышне кĕреççĕ. Элĕкри Таса Турă Амăшĕн чиркĕвĕ çумĕнчи вырсарни шкулне çÿрекен ачасем хальхинче те музыкăпа театр постановкинче хăйсен пултарулăхне интереслĕ çутатса пачĕç.