24 января 2017 г.
Шкулсенче иртекен профориентаци ĕçĕсем вĕренекенсене профессисемпе паллашма, тавракурăма анлăлатма май параççĕ. Профориентаци ĕçне обществăра кирлĕ кадрсене шута илсе ирттереççĕ. Професси суйласа илнĕ чухне ачасен пуян опыт пухнă ашшĕ-амăшĕн шухăшне те шута илмелле, вăл е ку темăпа литература вуламалла.
Иртнĕ кунсенче Юнтапа шкулĕнче 9-11-мĕш классенче вĕренекенсемпе Чăваш патшалăх педагогика университечĕн аспиранчĕ Анастасия Ландышева профориентаци ĕçне ирттерчĕ. Вăл аслă вĕренÿ заведенийĕнчи факультетсемпе специальноçсем çинчен каласа пачĕ, презентаципе тата видеороликпа паллаштарчĕ.