Публикации » Çар ретне тăма хатĕрленеççĕ

07 февраля 2017 г.

«Çар тивĕçĕсем тата çар служби» çинчен Федераци саккунĕпе килĕшÿллĕн 2017 çулхи февралĕн 1-3-мĕшĕсенче Элĕк районĕнче граждансене çар учетне илессипе çыхăннă мероприятисем иртрĕç. Ятарлă комисси çамрăксен сывлăх шайне тĕрĕслесе вĕсем çар службине мĕнле категорипе юрăхлине палăртрĕ. Çавăн пекех малашлăхра çар енĕпе аслă пĕлÿ паракан вĕренÿ учрежденийĕсенче ăс пухас тата ДОСААФ урлă çарпа учет специальноçне алла илес тĕллевлĕ пулас салтаксем профессипе психологи тĕрĕслевĕ витĕр тухрĕç. Асăннă мероприятисем вăхăтĕнче Муркаш тата Элĕк районĕсенчи çар ĕç комиссариачĕн комиссарĕ Владимир Казаков çар ретне тăма хатĕрленекен çамрăксене гражданин удостоверенине пачĕ. Çак тапхăрта 79 çамрăка пуçламăш çар учетне тăратнă.