Публикации » Фестивальтен - çĕнтерÿпе

21 февраля 2017 г.

Февралĕн 18-мĕшĕнче Элĕкри ачасемпе çамрăксен   ÿнер шкулĕн «Ладушки» ташă ушкăнĕ тата вĕренекенĕсем, районти культура çурчĕ çумĕнчи «Рябинушка» халăх коллективĕ «Талантсен калейдоскопĕ» Пĕтĕм Раççейри вокалпа хореографи, театрпа художество тата инструмент пултарулăхĕн 2-мĕш фестивль-конкурсне хутшăнчĕç. 7 номерпе сцена çине тухрĕç. «Соло» номинацире Силина Борисова 1-мĕш степеньлĕ лауреат пулса тăчĕ. Эстетика класĕнче пĕлÿ илекен Артемий Алексеев матроссен ташшипе 2-мĕш степеньлĕ лауреат дипломне тивĕçрĕ. «Дуэт» номинацире А.Алексеевпа Д.Ефимова - 3-мĕш степеньлĕ, А.Осиповпа Ю.Степанова «Калинка» ташăпа 2-мĕш степеньлĕ диплома тивĕçрĕç. «Ладушки» ташă коллективĕн вăтам тата аслă ушкăнĕсем те фестивальтен çĕнтерÿпе таврăнчĕç. «Рябинушки» халăх коллективĕ «Чăваш хĕрарăмĕсен ташшипе» иккĕмĕш степеньлĕ лауреатсем пулса тăчĕ. Çакна палăртмалла, çÿлерех асăннă коллективсене пурне те Элĕкри ачасемпе çамрăксен ÿнер шкулĕн педагогĕ Лилия Ефимова хатĕрлет.