07 марта 2017 г.
Çамрăксемпе çарпа патриот воспитанийĕ парас тĕллевпе Шупашкарти Çар мухтавĕн музейĕнче 2017 çулхи февраль уйăхĕнче Паттăрлăх уйăхлăхĕ иртнĕ. Çак вăхăтра кунта «Элĕк районĕн мухтавлă салтакĕсем» курав уçăлнă. Экспозици Тăван çĕршывăн Аслă вăрçи пуçламăшĕнчен вĕçне çити çапăçса киле таврăннă икĕ çын шăпипе паллаштарать.
Аристарх Егоров Янкурасра çуралса ÿснĕ. Хĕрлĕ Çарта хĕсметре тăнă, финсемпе çапăçнă çĕре хутшăннă. Батарея политрукĕ пулнă май Ленинград çывăхĕнчи тата Байкал леш енчи Амур фронтĕнче яппунсемпе паттăррăн çапăçнă, Корейăра дивизи штабĕн пуçлăхĕ пулнă. Севастиан Архипов Тури Вылара çуралса ÿснĕ. Тăван çĕршывăн Аслă вăрçинче пĕтĕм халăхпа пĕрле паттăррăн çапăçнă. Вăл Харьков, Луцк, Лубка, Белгород хулисене хÿтĕленĕ, Хĕвелтухăç Европăра тăшмана аркатнă çĕре хутшăннă, Курск пĕккинче тăшманпа кĕрешнĕ.