24 марта 2017 г.
«Çулталăк вĕрентекенĕ» конкурс районта çулсерен иртет. Хальхинче те вăл «Чăваш Енри çулталăк вĕрентекенĕ - 2017» республика конкурсĕн муниципалитет тапхăрĕн йĕркипе пулчĕ. Конкурса хутшăнакансем уçă уроксем пачĕç, ăстаçă урокĕ кăтартрĕç. Конкурс пĕтĕмлетĕвĕ тăрăх, çĕнтерÿçĕ ятне Элĕк вăтам шкулĕнче кĕçĕн классене вĕрентекен Фаина Тихонова тивĕçрĕ, унăн республикăра район чысне хÿтĕлеме тивĕ.
Призерсен йышĕнче Юнтапа шкулĕн историпе обществознани вĕрентекенĕ Людмила Ильина, Мăн Вылăри математика вĕрентекенĕ Надежда Никандрова тата Тавăтри музыка вĕрентекенĕ Ольга Михайлова палăрчĕç.