28 марта 2017 г.
Çуракинче ял хуçалăх предприятийĕсемпе хресчен-фермер хуçалăхĕсем кăçал та тĕш тырă культурисене акса тата çĕр улми лартса тухăçлă ÿстерме тĕллев лартаççĕ. Ăнăçлăхĕ вара вăрлăхран нумай килет. Çавна тĕпе хурса иртнĕ çу кунĕсенчех хуçалăхсем тăрăшса ĕçленĕ. Уй-хиртен килекен ылтăн пек тырра ятарлă звено çийĕнчех аласа тасатнă, типĕтнĕ.
Паянхи куна районти хуçалăхсен планпа палăртса хунă вăрлăхăн 87 проценчĕ - кондициллĕ. Акмалли тĕш тырра тепĕр хут аланă. Ку енĕпе «Новый путь», Ульянов ячĕллĕ, «Правда» хуçалăхсем, «Колос», «Рабия» агрофирмăсем тĕш тырă культурисене тĕрĕслеттернĕ, ака стандартне лартнă. В. Журавлев, Г.Исаев ертсе пыракан хресчен-фермер хуçалăхĕсем те тырра тĕрĕслеттерме тăратнă.