04 апреля 2017 г.
«Чи класлă класс ертÿçи» педагогсен ăсталăхне палăртакан йăлана кĕнĕ конкурса районта темиçе çулах ирттереççĕ ĕнтĕ. Асăннă конкурс вĕрентекенсене пĕр çĕре пухма, пĕр ĕçпе кăсăклантарма пултаракан чи пултаруллă класс ертÿçисене палăртма пулăшать.
«Чи класлă класс ертÿçи» конкурсăн районти тап-хăрĕ кăçал февраль уйăхĕн 28-мĕшĕнчен пуçласа мартăн 20-мĕшĕччен иртрĕ. Унта 8 вĕренÿ учрежденийĕнчи 9 педагог хутшăнчĕ. Муниципалитет шайĕнчи конкурс пĕтĕмлетĕвĕ тăрăх, И.Я.Яковлев ячĕллĕ Элĕк вăтам шкулĕн 8-мĕш класăн ертÿçи Валентина Запасова çĕнтерÿçĕ пулса тăнă. Иккĕмĕш вырăна Тавăт вăтам шкулĕн педагогĕ Алина Иванова тухнă. И.Я.Яковлев ячĕллĕ Элĕк вăтам шкулĕн вĕрентекенĕ Алена Ефимова виççĕмĕш вырăна тивĕçнĕ.
В.Запасова республика шайĕнчи конкурсăн куçăмсăр тапхăрĕнче те палăрнă. Апрелĕн 4-5-мĕшĕсенче вăл конкурсăн куçăм тапхăрне хутшăнать.