Публикации » Тухтăрпа пĕрле - уçă сывлăшра

11 апреля 2017 г.

Сывлăх – пирĕн пуянлăх. Ăна упрасси хамăртан килет. Çакна тĕпе хурса тата депрессирен çăлăнăç шыраса апрелĕн 8-мĕшĕнче районта «Тухтăрпа пĕрле уçăлса çÿрени» акци иртрĕ. Ăна тĕп больницăн поликлиника заведующийĕ Василиса Архипова ертсе пычĕ. Вăл чи малтанах депресси çинчен пĕтĕмĕшле каласа пачĕ, сывалмалли мелсемпе паллаштарчĕ. Тухтăрпа пĕрле уçăлма тухнă культура ĕçченĕсем, библиотекарьсем, патшалăх тата муниципалитет служащийĕсем, тивĕçлĕ канурисем уçă сывлăшра стреса хирĕç кĕрешмелли хусканусем турĕç. Спортпа туслă пулни тата тĕрлĕ хускану туни ывăннине ирттерет, депрессирен хăтăлма пулăшать.