14 апреля 2017 г.
Уйăхри çул çÿрев билечĕсенчен пĕрин тăкакĕн пайне, унăн хакĕнчен 20 процентне, анчах та уйăхра 150 тенкĕрен ытла мар саплаштараççĕ.
2016 çулхи декабрĕн 29-мĕшĕнчи 596№ «2017 çулта Чăваш Республикинче хăш-пĕр категорири граждансене общество транспорчĕпе çÿренĕшĕн тăкак пайĕн укçа компенсацине палăртас тата тÿлес Правилăсене çирĕплетесси» Чăваш Республикин Постановленийĕпе килĕшÿллĕн компенсацие федераци тата регион çăмăллăхĕсемпе усă куракансене, вĕсем Чăваш Республикинче пурăнаççĕ пулсан, республика территорийĕнче обществăлла транспортпа çÿренĕ тăкакăн пайĕн укçа компенсацине уйăхри çул çÿревĕн кирек хăш мелĕпе те усă курма пултараççĕ: хула тулашĕнчи пурте усă куракан автомобиль транспорчĕпе, хулари çĕр çинчи пурте усă куракан электричество транспорчĕпе (троллейбуспа), хула çумĕнче пурте усă куракан автомобиль транспорчĕпе çÿресен.
Аса илтеретпĕр, компенсаци илес тесен çăмăллăхсемпе усă куракансен кашни квартал вĕçленсенех тепĕр уйăхăн 15-мĕшĕччен хăйсем пурăнакан вырăнти социаллă хÿтлĕх пайне кайса заявлени çырмалла, паспорт е кам пулнине тата ăçта пурăннине ĕнентерекен документăн копийĕсене, уйăхри Чăваш Енри çул çÿрев пĕрлехи транспорт карттине памалла.
2017 çулхи мартăн 31-мĕшĕнче Чăваш Республикин Министрсен Кабинечĕн 2017 çулхи мартăн 20-мĕшĕнчи 87№ постановленийĕ вăя кĕчĕ. Асăннă постановленипе килĕшÿллĕн республика территорийĕнчи çул çÿрев тăкакĕшĕн укçан паракан компенсацие илме улшăнусем кĕртнĕ.
Хăш-пĕр категорири федераци тата регион çăмăллăхĕсемпе усă куракан граждансене валли 2017 çулхи январĕн 1-31-мĕшĕсенче троллейбуспа çÿренĕ чухнехи компенсацие илме улшăнусем кĕртнĕ.
Улшăнусемпе килĕшÿллĕн 2017 çулхи январь уйăхĕнче уйăхри çул çÿрев билечĕ вырăнне типографи мелĕпе хатĕрленĕ 2017 çулхи февраль уйăхĕнче туяннă троллейбуспа çÿреме ирĕк паракан уйăхри çул çÿрев билечĕпе усă курнă (Шупашкарта пурăнакансемшĕн вăл кăвак е сарă тĕслĕ).
2017 çулхи январь уйăхĕнче троллейбуспа çÿренĕ тăкакăн пĕр пайĕн компенсацине илме кăçалхи апрелĕн 15-мĕшĕччен граждансен е вĕсен саккунлă представителĕсен вырăнти социаллă хÿтлĕх пайне çак документсене тăратмалла: формăпа килĕшекен заявлени, кам пулнине тата ăçта пурăннине ĕнентерекен документăн копийĕсене, уйăхри çул çÿрев билетне, типографи мелĕпе хатĕрленĕ 2017 çулхи январь уйăхĕнчи çул çÿрев Чăваш Енри çул çÿревĕн пĕрлехи транспорт карттине.
2017 çулхи февраль уйăхĕнчен троллейбуспа çÿренĕ тăкакăн пĕр пайĕн компенсацине электрон çул çÿрев билетне - транспорт карттине кăтартсан тивĕçтереççĕ. Çул çÿрев тăкакĕн пĕр пайĕн компенсацине кредит организацийĕсенче е почтăра уçнă харпăр хăй счечĕ çине куçарассине те палăртса хăвармалла.
Галина ГРИГОРЬЕВА,
социаллă хÿтлĕх пайĕн начальникĕ.