Публикации » Библиотекăра - çут çанталăк тусĕсем

18 апреля 2017 г.

Экологи пĕлĕвĕсен Пĕтĕм тĕнчери кунĕпе килĕшÿллĕн Элĕкри ача-пăча библиотекинче 1 - 4-мĕш класра вĕренекенсем валли «Çут çанталăкăн тĕлĕнмелле тĕнчи» пĕлÿ сехечĕ иртрĕ. Унăн тĕп тĕллевĕ - çут çанталăк çинчен çыракан ача-пăча çыравçисемпе паллаштарасси. Ачасене библиотекарь кĕнекесене тишкерме пулăшрĕ. Хĕрачасемпе арçын ачасем тупмалли юмахсен тупсăмĕсене пĕлчĕç, «Кăмпасене пух» вăйăра, «Вăрман уçланкинче» конкурсра, «Ÿсен-тăрана пĕл» тата «Вăрманти тупмалли юмахсем» викторинăсенче палăрчĕç. Тĕрĕс хурав паракан экожетона тивĕçрĕç. Юлашкинчен экожетонсене шутласа чи тавçăруллине палăртрĕç. Çĕнтерÿçĕсене парнепе хавхалантарчĕç.