Публикации » Дружинниксен ретне тăчĕç

21 апреля 2017 г.

Районта «Хурал» ирĕклĕ халăх дружини йĕркеленĕ. Дружинниксем полици пайĕн сотрудникĕсемпе пĕрле тĕрлĕ мероприятисенче йĕркелĕхе сыхлаççĕ. 2016 çулта вĕсем 20 рейда хутшăннă, административлă майпа йĕркене пăснă 5 çынна тытса чарнă. Кăçал иртнĕ виçĕ уйăхра 10 тĕрĕслеве тухнă вĕсем. Иртнĕ кунсенче «Хурал» ирĕклĕ халăх дружинин дружинникĕсем районти полици пайĕн начальникĕн çумĕ Н.Митрофанов хутшăннипе пуху ирттерчĕç. Хăйсен ретне çĕнĕ çынсене илчĕç. Николай Арсентьевич район администрацийĕн çамрăксемпе ĕçлекен специалистне Т.Гордеевăна тата «Пурнăç çулĕпе» хаçат редакцийĕн пай редакторне Э.Кузьминана ятарлă удостоверенипе дружинник жетонне пачĕ.