Публикации » Чăваш ташшипе – сцена çине

25 апреля 2017 г.

Районти ача сачĕсенче тăван халăх культурине тарăнрах вĕрентес, чăваш чĕлхине аталантарас тĕлĕшпе тĕрлĕ мероприяти ирттереççĕ. Район тата республика шайĕнче иртекен конкурссемпе фестивальсене те хаваспах хутшăнаççĕ пĕчĕкскерсем. Чăваш тумне тăхăннă хĕр пĕрчисемпе арçын ачасем сцена çине тухса чăваш юррине шăрантараççĕ, куракансене илемлĕ чăваш ташшипе савăнтараççĕ. Нумаях пулмасть Элĕкри культура çуртĕнче иртнĕ «Мăнкун савăнăçĕ» фестивальте «Хĕвел» ача сачĕн «Непоседы» ушкăнне çÿрекенсем пухăннисене ача-пăча фольклорĕнчи юрра-ташша парнелерĕç. Марина Акимова ертсе пынипе маттурскерсем малашне те интереслĕ номерсем хатĕрлеме шантараççĕ.

М.МИХАЙЛОВА.