Публикации » Нумай вулакансене палăртрĕç

28 апреля 2017 г.

Чăваш чĕлхи кунĕнче Шупашкарти Наци библиотекинче Чăваш кĕнекин фестивалĕ иртрĕ. Унта «Литературăллă Чăваш Ен: çулталăкăн чи вуланакан кĕнеки» республика конкурсĕн çĕнтерÿçисене палăртрĕç. Элĕкри тĕп библиотека конкурса пурĕ 20 ĕç тăратрĕ. Маларах асăннă номинацире Мария Соколовăпа Дарья Ананьева тата Анжелика Архиповăпа Светлана Андреева çĕнтерÿçĕ ята тивĕçрĕç. Çавăн пекех Мăн Вылă шкулĕн директорĕн воспитани енĕпе ĕçлекен çумĕ Галина Иванова та çак номинацире çĕнтерчĕ.

Конкурса йĕркелесе ирттерме хастар хутшăннăшăн Элĕкри тĕп библиотекăн директорне Раиса Гордеевăна Наци библиотеки дипломпа чысларĕ.