Публикации » Çамрăксен фестивалĕнче - чи маттуррисем

05 мая 2017 г.

Элĕкри культура çурчĕ районти чи хастар та çирĕп тĕллевлĕ вĕренекенсене ача-пăча тата çамрăксен обществăлла пĕрлешĕвĕсен фестивальне пуçтарчĕ. Хальхинче вăл «Пĕтĕм тĕнчери çамрăксемпе студентсен 19-мĕш фестивалĕ умĕн» девизпа иртрĕ. Унта районти 10 шкулта ăс пухакан ачасем хутшăнма кăмăл турĕç. Вĕренекенсем хăйсен пĕрлешĕвĕн ĕçĕ-хĕлĕ çинчен презентаци кăтартрĕç. Çавăн пекех фестивале хутшăнакан кашни ушкăнри ача пĕр-пĕринпе ăмăртса май килнĕ таран хăйĕн пултарулăхне кăтартма пултарчĕ.

Çапла майпа Элĕкри вăтам шкулăн «РДШ» команди пĕрремĕш вырăн йышăнчĕ. Карачура шкулĕн «Асамат кĕперĕ» команди иккĕмĕш вырăна тухрĕ. Чăваш Сурăмĕнчи «Хĕвел ачисем» команда виççĕмĕш вырăна тивĕçрĕ. Жюри членĕсем фестивале хутшăннă кашни командăна дипломсем парса хавхалантарчĕç.