05 мая 2017 г.
Раççей Федерацийĕн Культура министерствин 2016 çулхи ноябрĕн 22-мĕшĕнчи 2542 № «Культура организацийĕсем паракан пулăшу пахалăхне ирĕклĕ хакланин пĕтĕмĕшле критерин кăтартăвĕсене çирĕплетесси çинчен» указĕпе килĕшÿллĕн 2016 çулта Чăваш Республикинчи 45 культура организаци пулăшу пахалăхне хакланă, вĕсенчен 18-шĕ - Централизациленĕ клуб тытăмĕсем, 15-шĕ - Централизациленĕ библиотека тытăмĕсем, 9 музей, 3 театр.
Культура организацийĕсене хак паракан оператор - Чăваш Республикин Культура, национальность тата архив ĕçĕсен министерстви çумĕнчи Общество Канашĕ, операторăн яваплă ĕç тăваканĕ - Чăваш патшалăх культурăпа ÿнер институчĕ.
Пулăшу пахалăхне хакланин тĕп критерийĕ - культура организацийĕ çинчен калакан информаци уçă та меллĕ пулни, пурте усă курма пултарни, пулăшусемпе усă курнă чухнехи вăхăт, культура тытăмĕнче ĕçлекенсен ырă кăмăллăхĕ тата ытти те.
Хаклав пĕтĕмлетĕвĕ тăрăх, Чăваш наци музейĕ, М.Çеçпĕл ячĕллĕ çамрăксен театрĕ, «Трактор тăвакансен культура керменĕ» республикăри халăх пултарулăх центрĕ, Чăваш патшалăх вырăс академи театрĕ, республикăри ача-пăча библиотеки, СССР летчик-космонавчĕн А.Г.Николаевăн асăну комплексĕ чи нумай балл пухнă, муниципалитетсем хушшинче Хĕрлĕ Чутай районĕнчи Централизациленĕ клуб тытăмĕ, Шупашкар районĕнчи Централизациленĕ библиотека тытăмĕ, Канаш районĕнчи Централизациленĕ библиотека тытăмĕ палăрнă.
Чăваш Республикин Культура, национальность тата архив ĕçĕсен министерстви çумĕнчи Общество Канашĕ культура организацийĕсене пулăшу пахалăхне лайăхлатма сĕнÿсем панă.
Хаклавпа Чăваш Республикин Культура министерствин официаллă сайтĕнче çак адреспа паллашма пулать:http://gov.cap.ru/SiteMap.aspx?gov_id=12&id=2308874&title=Nezavisimaya_ocenka_kachestva_okazaniya_uslug_organizaciyami_kuljturi.
Чăваш Республикинче вырнаçнă культура учрежденийĕсем паракан пулăшăва хаклама кирек кам та пултарать. Ăна пурнăçлама культура учрежденине кайса е организацин сайтĕнчи анкетăна тултармалла.
Чăваш Республикин Культура, национальность тата архив ĕçĕсен министерстви çумĕнчи Общество Канашĕ 2017 çул вĕçне республикăри культура учрежденийĕсене пурне те хаклама тĕллев лартнă.
Çакăн йышши хаклава çулталăкра пĕрререн ытла мар тата виçĕ çулта пĕрререн сахал мар ирттермелле. Ăна халăха культура организацийĕсем паракан пулăшу пахалăхне хаклама май паракан информаципе тивĕçтерме тата ĕç-хĕл пахалăхне лайăхлатма йĕркелеççĕ.
В.СИВВИ.