12 мая 2017 г.
Район администрацийĕн ЗАГС пайĕ апрель уйăхĕнчи ĕç-хĕлне пĕтĕмлетнĕ. Иртнĕ уйăхра 43 гражданла акт регистрациленĕ. Шел пулин те, ачасен çураласлăхĕ пĕлтĕрхипе танлаштарсан пĕчĕкрех. 2016 çулта 16 ача çут тĕнчене килнĕ пулсан, кăçал - 9. Пĕрремĕш ача 5 çемьере çуралнă, иккĕмĕш - 3 çемьере, тăваттăмĕш ача пĕр çемьере кун çути курнă. Апрель уйăхĕнче ашшĕ пулнине 4 акт регистрациленĕ. Апрель уйăхĕнче 7 мăшăр çемье çавăрнă, анчах та 2 мăшăр уйрăлнă, тепĕр пĕр мăшăр суд йышăнăвĕпех пĕрле пурăнма килĕшмен. Иртнĕ уйăхра çут тĕнчерен 21 çын уйрăлса кайнă. Вĕсенчен 15-шĕ - арçынсем, 6-шĕ - хĕрарăмсем.