Публикации » Наркотиксен çулне пĕрле пÿлер

23 мая 2017 г.

Республикăри библиотекăсен «Наркомани профилактикин пĕрлехи кунĕ» акцийĕпе килĕшÿллĕн Элĕкри тĕп библиотекăра «Пурăнма ирĕк пур: çул çитменнисем хушшинчи наркомани профилактики» информаципе право сехечĕ иртнĕ. Элĕкри тĕп больницăн врач-наркологĕ Галина Степанова, прокурорăн аслă пулăшаканĕ Алина Большова Элĕк шкулĕнче 7-мĕш класра вĕренекенсемпе тĕлпулу йĕркеленĕ. Галина Степановна шкул ачисене наркотик, алкоголь, чĕлĕм сывлăха япăх сиен кÿнине каласа панă, тĕслĕхсемпе çирĕплетнĕ. Алина Большова наркотиксемпе усă курнăшăн тата вĕсене сарнăшăн уголовлă явап тыттарни çинчен ăнлантарнă, буклетсем валеçсе панă.