Публикации » Марина - олимпиада çĕнтерÿçи

26 мая 2017 г.

Майăн 19-мĕшĕнче Чăваш Республикинче Амăшĕпе Ашшĕн çулталăкне халалласа шкул ачисемпе студентсен чăваш чĕлхипе тата литературипе пĕтĕм тĕнче олимпиади иртнĕ. Вăл икĕ енлĕ пулнă: «Чăваш чĕлхин илемĕ» тата «Чăваш чĕлхи - тăван чĕлхе». Пирĕн район чысне Юнтапа шкулĕн вĕренекенĕсем хÿтĕленĕ. 11-мĕш класс пĕтерсе алла аттестат илме хатĕрленекен Марина Яковлева 2-мĕш вырăн çĕнсе илнĕ. Ку çитĕнÿре Зоя Ивановна Леонтьева вĕрентекенĕн тÿпи те пысăк.

Олимпиадăна хутшăннă кашни ачана сертификат тата хаклă парне панă. Унсăр пуçне вĕсене Республика кунĕнче савăнăçлă лару-тăрура чыслама палăртаççĕ.