Публикации » Райпо ĕçченĕсем - форумра

02 июня 2017 г.

Чăвашпотребсоюзĕн «Салют» лагерĕнче Чăваш Енри потребкооперацин ĕçченĕсем хушшинче Çамрăксен форумĕ иртнĕ. Кунта 140 ытла çамрăк хутшăннă, вĕсен йышĕнче Элĕк райповĕн специалисчĕсем те пулнă. Форумра тĕрлĕ тренинг, вăйăсем, ăстаçă урокĕсем иртнĕ. Унсăр пуçне потребкоопераци ĕçченĕсем Раççейри Экологи çулталăкне халалласа лагерь территорийĕнче клумбăсем пайласа тирпей-илем ĕçĕсене тунă. Çавăн пекех форумра «Прорыв» Чăвашпотребсоюзĕн çамрăксен премийĕн лауреачĕсемпе дипломанчĕсене чысланă. «ПРО-спорт» номинацире вара Элĕк райповĕн экономика пайĕн начальникĕ Алина Архипова виççĕмĕш степеньлĕ диплома тивĕçнĕ.