Публикации » Утă хатĕрлеççĕ

14 июня 2017 г.

Июнь уйăхĕ - утçи тапхăрĕ. Ырă çанталăкпа усă курса паянхи куна районти ял хуçалăх предприятийĕсемпе хресчен-фермер хуçалăхĕсенче выльăх апачĕ хатĕрлессипе уй-хире ĕçлеме тухнă та ĕнтĕ. 143 гектар çинче нумай çул ÿсекен курăксене çулнă. «Колос» агрофирма тата «Новый путь» хуçалăхра ешĕл курăкран утă хатĕрлессипе ĕçлеççĕ. Районта пĕрчĕллĕ тата пăрçа йышши культурăсен уйĕсенчи çум курăксене пĕтерме имçамлассине пĕтĕмпе 8350 гектар çинче пурнăçламалла. Хальлĕхе çак ĕçе 1275 гектар (планпа палăртнинчен 15,2 процент) туса ирттернĕ. Лаптăксене чир-чĕртен тата хурт-кăпшанкă ересрен сыхлас тĕллевпе те ĕçсем пыраççĕ. Паянхи куна 893 гектар çинче ку ĕçе пурнăçланă. «Новый путь» хуçалăх, А.Григорьев, В.Петров хресчен-фермерсем палăртнине вĕçленĕ те ĕнтĕ.