30 июня 2017 г.
Инвалидсем те çынсемех. Патшалăх хевтесĕр çынсен çивĕч ыйтăвĕсем çине кирлĕ пек тимлĕх уйăрать, тĕрлĕ ĕç туса ирттерет. Инвалидсен прависемпе интересĕсене хÿтĕлес, вĕсене ĕçпе тивĕçтерес ыйтусем яланах малти вырăнта тăраççĕ.
Раççей премьер-министрĕ Дмитрий Медведев 2020 çул тĕлне ĕçлеме пултаракан инвалидсенчен çуррине ĕç вырăнĕпе тивĕçтерме мĕнпур услови тумаллине час-часах асăнать. Кăçалхи январĕн 1-мĕшĕ тĕлне пирĕн çĕршывра 3,7 млн. ĕçлеме пултаракан инвалид шутланса тăрать. Вĕсенчен пĕрре тăват- тăмĕш пайĕ кăна ĕçлет. Сывлăх енчен хавшаккисем Конституципе тата Ĕç кодексĕпе килĕшÿллĕн ĕçлеме пултараççĕ. Хăш-пĕр чухне чăрмавсем те пулаççĕ, ĕçпе тивĕçтерекен хевтесĕр çынна ĕçе илесшĕн мар. Çавăнпа та Дмитрий Медведев квотăн механизмне çĕнетсе пымаллине, çĕнĕлĕхсем кĕртмеллине калать.
Инвалидсене ĕç тупма Интернетра «Работа в России» портал та пулăшу кÿрет. Хальлĕхе унта 70 пин ĕç вырăнĕ шутланать. 2020 çул тĕлне вĕсене 200-250 пине çитерме палăртнă. Çавăн пекех кăçал инвалидсен федераци реестрĕ пурнăçа кĕме пуçларĕ. Вăл хевтесĕррисене хăйсен программа реабилитацийĕпе килĕшÿллĕн социаллă тÿлевсемпе пенси çинчен калакан информаци илме май парать.
Хамăр инф.