14 июля 2017 г.
Июлĕн 4-13-мĕшĕсенче Крым Республикин Керчь хулинче Пĕтĕм тĕнчери пултарулăх коллективĕсен «Раççей пĕрлĕхĕ», «Виçĕ тинĕс фестивалĕ», «Крым чĕри» тата «Раççей пуянлăхĕ» конкурс-фестивальсем иртрĕç. Вĕсене Мускав хула думи, Керчь хулин мерийĕ пулăшнипе йĕркелеççĕ.
Хура тинĕс хĕрринчи мероприятие Чăваш Енрен пĕр ушкăн - Элĕксем хутшăнчĕç. «Элĕкри централизациленĕ клуб тытăмĕ» учреждени çумĕнчи халăх ташшисен коллективĕ (ертÿçи - Лилия Ефимова) малтанхи кунсенчех «Виçĕ тинĕс», «Раççей пуянлăхĕ» тата «Крым чĕри» конкурссенче пĕрремĕш степеньлĕ дипломсене тивĕçрĕ. Çавăн пекех «Раççей пуянлăхĕ» конкурсра пирĕн ентешсен пултарулăхне виççĕмĕш степеньлĕ лауреат дипломне парса хакланă.