Публикации » Çĕрпÿ шахматçисем çĕнтерÿçĕсем пулчĕç

18 июля 2017 г.

Чăваш Сурăмĕнче июлĕн 12-мĕшĕнче Питрав уявĕ - Сурăм пуххи иртрĕ. Уяв программи анлă пулчĕ. Пухăннисем концерт курса савăнчĕç, çамрăксем волейболла вылярĕç. Шахмат вăййисене юратакансем турнир ирттерчĕç. Асăннă турнир кăçалхипе улттăмĕш хут пулчĕ. Ăна çулсерен Чăваш Сурăм культура çурчĕ çумĕнчи шашка-шахмата юратакансен «Комбинаци» клубĕ йĕркелет. Кăçал турнира 18 çын - Муркаш, Çĕрпÿ тата Красноармейскипе Элĕк районĕсенчи шахматçăсем хутшăнчĕç. Хĕрÿ тупăшура чи ăста вылякансем палăрчĕç: виççĕмĕш вырăна Рэм Парамонов (Ехремкасси), иккĕмĕшпе пĕрремĕш вырăнсене Çĕрпÿ хăнисем - Самуил Дмитриевпа (2-мĕш вырăн) Александр Егоров (1-мĕш вырăн) çĕнсе илчĕç. Çĕнтерÿçĕсене Чăваш Сурăм ял тăрăхĕн специалисчĕ Оксана Филиппова медальсемпе, Хисеп хучĕсемпе тата укçан парса саламларĕ. Андрей Димитриев (Шуркасси) турнира лайăх йĕркеленĕшĕн тата шахмат вăййине аталантарассипе нумай çул ĕçленĕшĕн Чă-ваш Сурăм ял тăрăхĕн Тав хутне тивĕçрĕ.

П.ЕФИМОВ,

Чăваш Сурăм сали.