21 июля 2017 г.
Кĕр тыррисене вырма тухмалли вăхăт та çывхарать. Çавăнпа та халĕ хуçалăхсем техникăна вырмана хатĕрлеççĕ.
Районти Патшалăх техника надзорĕн инспекцийĕнче пурĕ 38 комбайн шутра тăрать. Вĕсенчен 11-шĕ – ял хуçалăх предприятийĕсемпе хресчен-фермер хуçалăхĕсенче, 27 комбайн вара уйрăм çынсенче шутланать. Июлĕн 25-мĕшĕнчен пуçласа августăн 1-мĕшĕччен вара тыр-пул пухмалли техника тĕрĕслевĕ иртет. Вăл вăхăтра техникăн юсавлăхне кăна мар, пушар хăрушсăрлăхĕпе çыхăннă пирвайхи япаласем пуррине те пăхаççĕ. Çавăнпа та уя тухиччен комбайн çинче 2 пушар сÿн- теркĕчĕ, шыв, хăйăр, йывăç тата тимĕр кĕреçе, çулкă пулмалла. Унсăр пуçне комбайнерсен тракторист-машинистăн F категориллĕ удостоверение пĕрле илмелле. Çавăн пекех хĕллехи апат хатĕрленĕ çĕрте районта нумай техника хутшăнать. Ку енчен водительсем йĕркене пăснă тĕслĕхсем сахал мар пулнăран малашне йĕркене çирĕпрех пăхăнмалла.
Çакна та палăртар: районти аграрисен кăçал тĕш тырă культурисене пурĕ 11377 гектар çинчен пухса кĕртмелле.