21 июля 2017 г.
Районти хуçалăхсенче выльăх апачĕ хатĕрлес енĕпе ĕçсем майĕпен пыраççĕ. Сăлтавĕ пуриншĕн те паллă ĕнтĕ.
Паянхи куна илсен, нумай çул ÿсекен курăксене 2111 гектар çулнă. Утă 1529 тонна (кирлĕ шайăн 74 проценчĕ) типĕтсе хатĕрленĕ. Сенаж 3000 тонна (61 процент), силос 1900 тонна (33 процент) хывнă.
Районти аграрисем акнă культурăсене агротехника мероприятийĕсене пăхăнса ĕçлессине те пурнăçласа пыраççĕ. Тĕш тырă культурисене 7500 гектар çинче кăпкалатнă, 4300 гектар тырă уйĕсене имçамланă. Çĕр улми уйĕсенче те ĕç тытăнса тăрать. Çапах та ретсем хушшине кăпкалатса çемçетеççĕ, минераллă удобренисемпе апатлантараççĕ, чир-чĕрпе хурт-кăпшанка хирĕç те кĕрешеççĕ. Ку ĕçе хальлĕхе 312 гектар çинче кăна пурнăçлама май килнĕ.