Публикации » Архивра курав уçăлнă

15 августа 2017 г.

Историсĕр малашлăх çук. Вун-вун çул каяллахине эпир сыхланса юлнă документсемпе хаçат-журналтан, сăн ÿкерчĕксенчен кăна пĕлме пултаратпăр. Пирĕн район пуçланса кайнăранпа кăçал 90 çул çитет. Çак юбилея халалласа Элĕкри муниципалитет архивĕ «Элĕк районĕ - 90 çул» ятлă курав йĕркеленĕ. Ăна район хаçачĕн вун-вун çул каяллахи страницисенчен хатĕрленĕ. Кунта район аталанăвĕн кун-çулне пĕтĕмпех çутатса панă: хăш хуçалăхра мĕн чухлĕ тыр-пул, аш-какай туса илнĕ, ăçта ферма çĕкленĕ. Ял хуçалăхĕсенчи ĕç-пуçа таблицăсемпе илсе кăтартни те вырăнлă: кам малта пырать, кам кайра.