22 августа 2017 г.
Элĕксем пур çĕрте те хастар тата пултаруллă пулнине черетлĕ ăмăрту çирĕплетсе пачĕ. Августăн 14-18-мĕшĕсенче «Элĕк ен» ентешлĕх команди Шупашкар хула администрацийĕн тата республикăри депутатсен парнисемшĕн ирттернĕ «Туслăх кубокĕ» ентешлĕхсен ăмăртăвне хутшăннă.
Кăçал вăл 15-мĕш хут иртнĕ, ăна Хула кунне халалланă. Ăмăрту «Энергия» стадионра тата «Спартак» комплексра иртнĕ. Ентешсем мини-футбол тата волейбол вăййисенче мала тухассишĕн ăнтăлнă. Вĕсем хĕрÿ те çивĕч тупăшура виççĕмĕш вырăн çĕнсе илме пултарнă. Çĕнтерÿçĕсене укçан хавхалантарнă тата дипломсем, медальсем парса чысланă.