25 августа 2017 г.
Августăн 27-мĕшĕнче Раççейре Кино кунне паллă тăваççĕ. Çакна тĕпе хурса Раççейре иккĕмĕш хут ĕнтĕ «Кино каçĕ» акци иртет. Асăннă мероприятие мĕнпур регионти хуласемпе районсем хутшăнаççĕ.
Элĕк районĕнче пурăнакансем çак кун Элĕкри культурăпа кану керменĕнче, Шĕмшешри, Юнтапари, Ураскилтри, Чăваш Сурăмĕнчи культура çурчĕсенче 18.30 минутра А.Федотов режиссерăн «Кухня. Последняя битва», Д.Киселевăн «Время первых», К.Дружининпа А.Шальопа режиссерсен «28 панфиловцев» кинокартинăсене тÿлевсĕрех курма пултарĕç. Çавăн пекех асăннă акци вăхăтĕнче пĕчĕккисем те тимлĕхсĕр юлмĕç. Вĕсем А.Цицилин режиссерăн «Снежная королева-3, огонь и лед» мультфильмне курма пултарĕç. «Кино каçĕ» акцие культура учрежденийĕсенче 22 сехет те 50 минутра хупаççĕ.