Публикации » Ĕççи «иккĕмĕш çăкăр» уйне куçнă

30 августа 2017 г.

Район уй-хирĕнче вырма ĕççипе пĕрлех çĕр улми кăларас ĕçе те пуçăннă. «Иккĕмĕш çăкăра» 10 гектар çинчен пухса кĕртнĕ. Ку енĕпе хальлĕхе В.Варламов тата В.Журавлев хресчен-фермер хуçалăхĕсем тимлеççĕ. Тĕш тырă тата пăрçа йышши культурăсене 5203 гектар çинче вырса илнĕ. Пĕр гектарти вăтам тухăç 22,5 центнерпа танлашать. Ылтăн пек сарă тырра пÿлмене «Новый путь» (75 процент), «Алмаз» общество (61 процент), В.Узянов (50 процент), О.Петров (95 процент), Ю.Никифоров (96 процент), Г.Петриков (89 процент) хресчен-фермер хуçалăхĕсем пухса кĕртнĕ. Çавăн пекех хĕрÿ тапхăрта кĕрхи культурăсене акма 2360 гектар çĕр сухаласа хатĕрленĕ. Хуçалăхсенче хальлĕхе 90 гектар ыраш тата 220 гектар кĕрхи тулă акнă.