Публикации » Район уй-хирĕнче

05 сентября 2017 г.

Уйсенче комбайн шавĕ ир-ирех тапранать те мĕн каçченех татăлмасть. Çанталăк условийĕсене кура çĕрпе ĕçлекенсем тыр-пула вăхăтра пухса кĕртессишĕн кашни уяр кунпа усă кураççĕ. Районта тĕш тата пăрçа йышши культурăсене С.Волков, А.Петров хресчен-фермер хуçалăхĕсенче, «Колос» Агрофирмăра тата «Агросерп» обществăра вырса та пĕтернĕ ĕнтĕ. Сентябрĕн 4-мĕшĕ тĕлне районти мĕнпур хуçалăх пурĕ 5871 гектар çинче тĕш тырă культурисене вырса илнĕ. Ку пăхса хунинчен 67,7 процентпа танлашать. Çавăн пекех 13735 тонна тырă çапса тĕшĕленĕ. Районти пĕр гектарти вăтам тухăç 23,4 центнерпа танлашать. Вырма ĕçĕпе пĕрлех хуçалăхсем кĕр тыррисене акассипе те тăрăшаççĕ. Паянхи кун тĕлне 698 гектар тĕш тырă культурисене акнă. Вăл шутран, 90 гектар ыраш тата 608 гектар кĕрхи тулă. Кĕрхи çĕртме сухине 220 гектар лаптăк çинче пурнăçланă.